Spurt & svarað

Áætlað er að verkið taki fimm ár og að verklok verði árið 2030.

Gert er ráð fyrir að nýtt húsnæði verði tekið í notkun á árinu 2030. Flutningur í nýtt húsnæði mun því hafa  áhrif á nemendur sem innritast í skólann á árum sem liggja nálægt þeim tíma. Ekki er þó hægt að útlista nánar á þessum tíma hvaða áhrifa eða hvenær nákvæmlega nemendur verða fyrir áhrifum flutninga.

Tækniskólinn gerir ráð fyrir að bjóða upp á allt það nám sem nú fer fram áfram. Sameining alls náms undir einu þaki er þó til þess fallið að bjóða upp á enn fjölbreyttari námsleiðir og samsetningu náms.

Flensborgarhöfn er aðalhöfnin í Hafnarfirði. Þar er gert ráð fyrir mikilli uppbyggingu á næstu árum í blandaðri byggð. Sjá nánar á síðu Hafnarfjarðarbæjar. Skólinn mun rísa við hlið Hafrannsóknarstofnunar, yfir Cuxhavengötu og ná alveg vestur að Lónsbraut.

Nei, aðeins er búið að frumhanna og byggir allt myndefni á síðunni á þeirri hönnun. Meðan unnið var að því samkomulagi sem undirritað var í júní 2024 var tíminn nýttur til frumhönnunar byggingarinnar í samstarfi við verkfræðistofuna Eflu og Abels & partners sem hefur mikla reynslu af hönnun sambærilegra bygginga. Unnin hefur verið þarfagreining í samvinnu við starfsfólk skólans og grunnurinn lagður að þeirri hugmyndafræði og því skipulagi rýma sem forsvarsmenn skólans leggja áherslu á. Þessi grunnur mun tvímælalaust nýtast vel inn í hönnun skólans enda eru með honum lagðar mikilvægar línur.

Í mars 2025 lauk forvali fyrir hönnun og voru 5 hönnunarteymi sem fengu aðgang í lokað útboð á fullnaðarhönnun skólans. Áætlað er að tillögum verði skilað í október og búið verði að velja og semja við endanlega aðila undir lok ársins 2025.