Skólastræti Tækniskólans ehf. starfar til almannaheilla, stendur fyrir nýbyggingu og rekstri fasteigna Tækniskólans.

Skólastræti Tækniskólans ehf. var stofnað í 10. september 2024. Tilgangur félagsins er bygging, rekstur og eignarhald fasteigna utan um starfsemi Tækniskólans, skóla atvinnulífsins og tengdur rekstur í samræmi við samkomulag milli ríkisins, Hafnarfjarðarbæjar og Tækniskólans.

Formaður stjórnar Skólastrætis Tækniskólans er Egill Jónsson stjórnarformaður Tækniskólans.

Stjórn Skóla­strætis réð Guðmund Örn Óskarsson í starf framkvæmdastjóra félagsins.

Guðmundur Örn er með meist­aragráðu í iðnaðar- og rekstr­ar­verkfræði frá Álaborg­ar­há­skóla og á að baki fjöl­breyttan starfs­feril sem stjórn­andi í atvinnu­lífinu. Hann hefur sinnt ráðgjafa­störfum síðastliðið ár en leiddi rekstr­arsvið Controlant í gegnum gríðarlegan vöxt á tímum heims­far­aldurs. Þá gegndi hann stöðu fram­kvæmda­stjóra upp­lýs­inga­tæknisviðs hjá Alvogen/​Alvotech samstæðunni í 7 ár og þar áður 10 ár hjá Össuri/​Emblu.

Nánari upplýsingar um ráðningu framkvæmdastjóra má sjá á vefsíðu Tækniskólans.